կարևոր
766 դիտում, 1 շաբաթ առաջ - 2022-01-15 21:14

Արցախի քաղաքացին փոխանցվել է հայկական կողմին

Արցախի քաղաքացին փոխանցվել է հայկական կողմին

Ռուսական խաղաղապահ ուժերի միջնորդությամբ Արցախի քաղաքացին փոխանցվել է հայկական կողմին, տեղեկացնում է Արցախի Հանրապետության ԱԱԾ–ն։

«Այսօր ռուսական խաղաղապահ ուժերի միջնորդությամբ հայկական կողմին է փոխանցվել հունվարի 14-ին մոլորվելու հետևանքով ադրբեջանցիների մոտ հայտնված՝ Արցախի քաղաքացի Անդրանիկ Հրանտի Ալեքսանյանը»,- նշված է հաղորդագրության մեջ։

Միաժամանակ, Արցախի ԱԱԾ-ն պարզում է դեպքի հանգամանքները։

Հիշեցնենք, որ երեկ Արցախի ԱԱԾ-ն հայտնել էր, որ ժամը 15։30-ին Արցախի Հանրապետության ազգային անվտանգության ծառայությանը հաղորդվել էր Բերձոր քաղաքի 1953թ. ծնված բնակիչ Անդրանիկ Հրանտի Ալեքսանյանի անհայտ կորելու մասին: Ահազանգի հիման վրա ձեռնարկված միջոցառումների արդյունքում պարզվել է, որ ԱՀ հիշյալ քաղաքացին ժամը 15։00-ի սահմաններում Բերձոր քաղաքի մոտակայքում մոլորվելու հետևանքով հայտնվել է Ադրբեջանի Հանրապետության զինված ուժերի վերահսկողության տակ գտնվող տարածքում և վերջիններիս կողմից վերցվել արգելանքի: