կարևոր
1762 դիտում, 9 ամիս առաջ - 2022-01-07 14:36

Ղազախստանում ՀԱՊԿ խաղաղապահ ուժերը կղեկավարի գեներալ-գնդապետ Սերդյուկովը

Ղազախստանում ՀԱՊԿ խաղաղապահ ուժերը կղեկավարի գեներալ-գնդապետ Սերդյուկովը

ՌԴ օդադեսանտային ուժերի հրամանատար, գեներալ-գնդապետ Անդրեյ Սերդյուկովը նշանակվել է Ղազախստանում ՀԱՊԿ խաղաղապահ ուժերի գործողությունների հրամանատար: Այդ մասին հայտնել է ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը։

Նա նաև նշել է, որ խաղաղապահները Ղազախստանի իրավապահ մարմինների հետ ամբողջությամբ վերահսկողության տակ են վերցրել Ալմաթիի օդանավակայանը։

«Ղազախստան ժամանած ռուս զինծառայողներն անմիջապես սկսել են կատարել իրենց առջև դրված առաջադրանքները։ Ներկայումս հանրապետության իրավապահ մարմինների հետ նրանք վերահսկում են Ալմաթիի օդանավակայանը»,- ասել է Կոնաշենկովը։

Ապահովված է նաև քաղաքում գործող Ռուսաստանի գլխավոր հյուպատոսության և այլ կարևոր օբյեկտների անվտանգությունը՝ հավելել է գերատեսչության ներկայացուցիչը։

Նշենք, որ ՀՀ կառավարության որոշմամբ՝  ՀՀ կառավարության հունվարի 6-ի որոշմամբ թույլատրվել էր Հավաքական անվտանգության պայմանագրի կազմակերպության (ՀԱՊԿ) անդամ-պետությունների խաղաղապահ զորախմբերում ընդգրկված Հայաստանի Հանրապետության զինված ուժերի ստորաբաժանմանը մասնակցելու Ղազախստանի Հանրապետությունում իրականացվող խաղաղապահ գործողություններին: Այսօր 100 ՀՀ զինծառայող մեկնել է Ղազախստան:

ՀԱՊԿ կազմում են Ռուսաստանը, Բելառուսը, Հայաստանը, Ղազախստանը, Ղրղզստանն ու Տաջիկստանը: