կարևոր
2794 դիտում, 7 ամիս առաջ - 2022-01-01 17:38

Վերին Լարսում հերթ է, ավելի քան 1500 մեքենա է սպասում

Վերին Լարսում հերթ է, ավելի քան 1500 մեքենա է սպասում

Ռուսաստանից Վրաստան ճանապարհը բաց է արդեն հինգ օր, բայց «Վերին Լարս» անցակետը հատելու համար դեռ հերթեր կան։ Կուտակվել են բազմաթիվ տրանսպորտային միջոցներ՝ բեռնատարներ և ավտոմեքենաներ։ Իրավիճակը սրում է այն, որ օրական մի քանի հարյուր ավտոմեքենա է ավելանում։ Ավելի քան 1500 մեքենա, այդ թվում՝ հայկական բեռնատարներ, շարունակում է մնալ Ռուսաստանի տարբեր վայրերում՝ սպասելով «Վերին Լարսի» անցակետով անցմանը։ Այս մասին Sputnik Արմենիայի հետ զրույցում ասել է Ռուսաստանում Հայաստանի դեսպանատան մաքսային կցորդ Արամ Թանանյանը։

Թանանյանի խոսքով՝ մաքսավորներն աշխատում են ինտենսիվ ռեժիմով և ամեն ինչ անում են հերթը բեռնաթափելու համար։

Օրական անցակետով կարողանում է անցնել 500-ից 600 ավտոմեքենա։ Նա պարզաբանեց, որ Գուդաուրի-Կոբի հատվածում ցերեկը պահպանվում է ձնահոսքի վտանգը։ Ուստի անխափան երթևեկությունը հիմնականում իրականացվում է երեկոյան և գիշերային ժամերին։ Օդերևութաբանների կանխատեսումների համաձայն՝ նշված տարածքում ընթացիկ եղանակը կպահպանվի մինչև հունվարի 10-ը։ Առաջիկա օրերին կանխատեսվում է քամու ուժգնացում։ Թանանյանը հույս ունի, որ մինչ այդ հնարավոր կլինի բեռնաթափել անցակետը։