«Հայաստան» համահայկական հիմնադրամի հարցով ԱԺ քննիչ հանձնաժողովի նիստը. ՏԵՍԱՆՅՈՒԹ

Այսօր՝ դեկտմեբերի 27-ին Ազգային ժողովի «Հայաստան» համահայկական հիմնադրամի կողմից հավաքագրված եւ ՀՀ պետական բյուջե փոխանցված միջոցների օգտագործումն ուսումնասիրող քննիչ հանձնաժողովը նիստ է գումարել: Օրակարգում են հետևյալ հարցերը.

1. Կառավարությանը և «Հայաստան» համահայկական հիմնադրամին ուղարկված հարցումների պատասխանների, ինչպես նաև քննիչ հանձնաժողովի անունից ձեռնարկված այլ գործողությունների վերաբերյալ տեղեկատվության ներկայացում, ընթացիկ եզրակացություններ:

Հիմնական զեկուցող՝ Արծվիկ Մինասյան

2.  Հանձնաժողով (այս փուլում) հրավիրվող անձանց կազմի որոշում:

Հիմնական զեկուցող՝ Արծվիկ Մինասյան

3. Հանձնաժողովի ընթացիկ աշխատանքների կազմակերպման հարցերի քննարկում:

Հանձնաժողովը ստեղծվել է 22.10.2021 թվականին «Ազգային ժողովի կանոնակարգ» սահմանադրական օրենքի 20-րդ հոդվածի 1-ին մասի համաձայն` պատգամավորների ընդհանուր թվի առնվազն մեկ քառորդի պահանջով:

Հավելենք, որ այս փուլում Հանձնաժողովը տեղեկություն ստանալու հարցումներ է ուղարկել Կառավարությանը և «Հայաստան» համահայկական հիմնադրամին: