կարևոր
2752 դիտում, 11 ամիս առաջ - 2021-12-25 13:39

Ամենազավեշտալին այն է, որ այս հայտարարություններն անում է նույն մարդը, որը բղավում էր՝ «Արցախը Հայաստան է և վերջ»

Ամենազավեշտալին այն է, որ այս հայտարարություններն անում է նույն մարդը, որը բղավում էր՝ «Արցախը Հայաստան է և վերջ»

«Հայացք» վերլուծական կենտրոնի ղեկավար Աննա կարապետյանն անդրադարձել է Փաշինյանի երեկվա ասուլիսում հնչեցրած հայտարարություններին.

«Նիկոլ Փաշինյանի ասուլիսը մի քանի նպատակ էր հետապնդում`

  • պատրաստել հասարակությանը դելիմիտացիայի գործընթացի հնարավոր զարգացումներին, այդ թվում` Տավուշում, ինչպես նաև Ադրբեջանի տարածքային ամբողջականության ճանաչման բաղադրիչով,
  • պատրաստել Սյունիքով Ադրբեջանը Նախիջևանին կապող ավտոճանապարհների հարցում մոտալուտ զարգացումներին` ուղեկցողներով երթևեկություն և այլն:

Բայց ամենացավալին բառակազմն ու կոնցեպտն էր` վերաբերող Արցախյան հակամարտությանը: Վերջին ամսում արդեն երկրորդ անգամ Փաշինյանը կարևորագույն հարցերի վերաբերյալ անում է հայտարարություններ, որոնք ոչ միայն հիմքում մանիպուլատիվ են, այլև՝ աղետալի ապագա հեռանկարի համար:

Նախ Փաշինյանը հայտարարեց, որ 2016-ին զրոյացվել է Ադրբեջանի կազմից դուրս Արցախի կարգավիճակի հեռանկարը, իսկ երեկ կասկածի տակ դրեց արդեն նաև նախկին առնվազն ԼՂԻՄ տարածքի վերականգնման պահանջի լեգիտիմությունը:

Այս հայտարարությունները ոչ միայն գերազանցում են Ադրբեջանի նույնիսկ առավելապաշտական ակնկալիքները, այլև «դանդաղ գործունեության ռումբեր» են, որոնք պայթեցնելու են Արցախի ապագան: Եվ որ ամենազավեշտալին է, այս հայտարարություններն անում է նույն մարդը, ով 2019-ին բղավում էր «Արցախը Հայաստան է և վերջ»... ինչի հետևանքները տեսանք բոլորս»: