կարևոր
1159 դիտում, 4 շաբաթ առաջ - 2021-12-23 16:12

Մեր սիրտը հաղթանակի հետ է, և թող այն վերստին մեր առջև հառնի Հակոբավանքի վերականգնումով. Բագրատ Սրբազանի կոչը

Հայ Առաքելական Եկեղեցու Տավուշի թեմի առաջնորդ Տեր Բագրատ եպիսկոպոս Գալստանյանը ևս միանում է «Հակոբավանքի վերածնունդը» նախագծին և կոչ անում բոլորին, նրա՛նց, ովքեր հայրենիք ունեն. 

«Մեր սիրտը հաղթանակի հետ է, և թող այն սկսվի, վերստին մեր առջև հառնի Հակոբավանքի վերականգնումով:

Մենք կոչված ենք միասին կառուցելու մեր տունը, և պատասխանատվություն ունենք թե այսօրվա, թե գալիքի համար: 

Միացիր նախաձեձռնությանը այս հղումով՝ Հակոբավանքի Վերածնունդը:

Հայկական ամենահին վանական համալիրներից մեկը՝ Հակոբավանքը, Արցախում մեր հոգևոր, մշակութային և կրթական կենտրոն է եղել: Գտնվում է Արցախի Հանրապետության Մարտակերտի շրջանի, Քոլատակ գյուղից 1,5 կմ հյուսիս ընկած մի անտառոտ լեռնաբազուկի վրա։ Պատմական գրականության մեջ հայտնի է նաև Մեծառանից վանք անունով։ 

Այսօր, սակայն, այն փլուզման վտանգի տակ է: Ադրբեջանցիները սկսել են Հակոբավանքի յուրացման գործընթացը՝ ներկայացնելով այն որպես աղվանական համալիր:

Հակոբավանքի վերածնունդ նախաձեռնությանը միացել են բազմաթիվ անհատներ և կազմակերպություններ: Պատրաստ է արդեն վերականգնման նախագիծը: 

Ինչպիսին մեր տունն է, այնպիսին էլ կլինենք մենք: Այլևս իրավունք չունենք կորուստներ թույլ տալու․ միացի՜ր նախագծին, արա՜ քո ներդրումը։