կարևոր
769 դիտում, 4 շաբաթ առաջ - 2021-12-17 17:36

Սևանի համայնքապետ ընտրվեց ՀՀԿ-ական Սարգիս Մուրադյանը

Սևանի համայնքապետ ընտրվեց ՀՀԿ-ական Սարգիս Մուրադյանը

Դեկտեմբերի 17-ին Սևանի համայնքապետարանում տեղի է ունեցել Սևան համայնքի համամասնական ընտրակարգով ընտրված ավագանու առաջին նիստը:

Ավագանու նիստը վարել է ավագանու նիստին ներկա` տարիքով ավագ անդամը` Կամո Ավագյանը:

Թիվ 20 տարածքային ընտրական հանձնաժողովի` 12.12.2021թ. 19-Ա որոշմամբ Սևան համայնքի ընտրված ավագանու մանդատները բաշխվել են հետևյալ կերպ`

  • «Սարգիս Մուրադյան» կուսակցությունների դաշինք` 21 մանդատ.
  • «Հայ Յեղափոխական Դաշնակցություն» կուսակցություն` 3 մանդատ.
  • «Հանրապետություն» կուսակցություն` 3 մանդատ:

Սևան համայնքի ղեկավար է ընտրվել «Սարգիս Մուրադյան» դաշինքի ավագանու անդամների ցուցակը գլխավորող, գործող համայնքապետ Սարգիս Խաժակի Մուրադյանը: Սևանի համայնքապետն է 2016 թվականից: Գեղարքունիքի մարզպետարանի կայքում նշված է, որ Սարգիս Մուրադյանը ՀՀԿ անդամ է: Այս անգամ նրա թեկնածությունը պաշտպանում էր «Քաղաքացիական պայմանագիր» կուսակցությունը:

Գեղարքունիքի մարզի Սևան համայնքում դեկտեմբերի 5-ին կայացած ընտրությունների արդյունքներն են.

«ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ» ԿՈՒՍԱԿՑՈՒԹՅՈՒՆ 1 414
«ՀԱՆՐԱՊԵՏՈՒԹՅՈՒՆ» ԿՈՒՍԱԿՑՈՒԹՅՈՒՆ 1 178
«ՍԱՐԳԻՍ ՄՈՒՐԱԴՅԱՆ» ԿՈՒՍԱԿՑՈՒԹՅՈՒՆՆԵՐԻ ԴԱՇԻՆՔ 9 769
Անճշտությունների գումարային չափը 2