կարևոր
739 դիտում, 1 ամիս առաջ - 2021-12-17 11:13

«Լույս» խմբակցությունը չի միանում Հայկ Մարությանին անվստահություն հայտնելու նախաձեռնությանը

«Լույս» խմբակցությունը չի միանում Հայկ Մարությանին անվստահություն հայտնելու նախաձեռնությանը

Երեկ ուշ երեկոյան տեղի ունեցավ «Լուսավոր Հայաստան» կուսակցության կառավարման խորհրդի նիստը։ Խորհուրդը որոշեց չմիանալ Երևանի քաղաքապետ Հայկ Մարությանին անվստահություն հայտնելու նախաձեռնությանը։ Հայտնում է Ավագանու «Լույս» խմբակցության անդամ Դավիթ Խաժակյանը:

Հիշեցնենք, որ երեկ երեկոյան «Քաղաքացիական պայմանագիր» կուսակցությունը Փաշինյանի մասնակցությամբ հավաք էր կազմակերպել, որից հետո հայտարարություն տարածեցին: «Իմ քայլը» դաշինքը հայտնեց, որ նախաձեռնել է քաղաքապետ Հայկ Մարությանին անվստահություն հայտնելու գործընթաց, պատճառներից մեկն էլ այն է, թե քաղաքապետը խզել է կապը ավագանու քաղաքական մեծամասնության՝ «Իմ քայլը» դաշինքի հետ:

Ավելի վաղ հայտնել էինք, որ «Իմ քայլը» դաշինքը Երևանի քաղաքապետի պաշտոնում առաջադրում է գործող առաջին փոխքաղաքապետ Հրաչյա Սարգսյանի թեկնածությունը:

Երեկ արդեն ավագանու ԲՀԿ խմբակցության անդամ Միքայել Մանրիկյանը հայտարարեց, որ իրենք ևս կմիանան այս նախաձեռնությանը: