կարևոր
1996 դիտում, 1 ամիս առաջ - 2021-12-16 22:30

Մեր քաղաքը շուտով ղեկավարելու է անդեմ ու անմեղսունակ մի անձնավորություն. Մեսրոպ Առաքելյանն իր նախկին կուսակցի մասին

Մեր քաղաքը շուտով ղեկավարելու է անդեմ ու անմեղսունակ մի անձնավորություն. Մեսրոպ Առաքելյանն իր նախկին կուսակցի մասին

«Ապրելու երկիր» (նախկինում` «Առաքելություն») կուսակցության համահիմնադիր, Աշխատանքի եւ սոցիալական հարցերի նախկին նախարար Մեսրոպ Առաքելյանն անդրադարձել է «Իմ քայլը» դաշինքի հայտարարությանը, որով հայտնում է, որ Երևանի քաղաքապետի պաշտոնում առաջադրում են գործող առաջին փոխքաղաքապետ Հրաչյա Սարգսյանի թեկնածությունը:

«Հարգելի երևանցիներ,

Ներողություն եմ խնդրում, որ մեր սիրելի քաղաքը շուտով ղեկավարելու է անդեմ ու անմեղսունակ մի անձնավորություն, ում աշխատանքային և քաղաքական կարիերայում ունեցել եմ բացառիկ ներդրում։ Ցավում եմ, որ այս դժվարին ժամանակներում երևանցիներին սպասվում է ևս մեկ անխուսափելի և երաշխավորված հիասթափություն։

Պատերազմից հետո վարչապետի հրաժարականը պնդող, սակայն իր պաշտոնը դրանից վեր դասող սույն անձնավորությունը Երևանի կառավարումը վերածելու է այնպիսի քաոսի, որ երանի եք տալու նախորդ, ու դրանից էլ նախորդ բոլոր քաղաքապետերին։

Անելու եմ առավելագույնը՝ իմ անձնական և քաղաքական դաշտից վաղուց դուրս շպրտված անձնավորությանը դուրս շպրտել նաև մեր սիրելի քաղաքի կառավարման բոլոր օղակներից։

Հ.Գ. Քանի ուշ չէ, խելքի աշեցեք...»:

Իսկ հուլիսին Մեսրոպ Առաքելյանը հայտնել էր, որ Երեւանի քաղաքապետի առաջին տեղակալ Հրաչյա Սարգսյանը հեռացվել է «Առաքելություն» կուսակցությունից: Նրա խոսքով՝ արդեն 3 ամիս է, ինչ Սարգսյանն իրենց կուսակցությունից հեռացված է: 

Ավելի վաղ հայտնել էինք, որ «Իմ քայլը» դաշինքը Երևանի քաղաքապետի պաշտոնում առաջադրում է գործող առաջին փոխքաղաքապետ Հրաչյա Սարգսյանի թեկնածությունը: