կարևոր
709 դիտում, 1 ամիս առաջ - 2021-12-16 14:59

ՔՊ-ն նոր ընտրություն պարտադրեց Վեդիում

ՔՊ-ն նոր ընտրություն պարտադրեց Վեդիում

ՏԻՄ համամասնական ընտրություններում տարած պարտության հետ ՔՊ-ականները չեն համակերպվում։ Վեդի խոշորացված համայնքի ղեկավարի թեկնածու, ՔՊ-ական Գարիկ Սարգսյանը ներկայացրել է թիվ 13 տարածքային ընտրական հանձնաժողովի 43-Ա որոշումը, ըստ որի ուժը կորցրած են համարվում ընտրական ցուցակում ընտրված ավագանու անդամի թեկնածուները:

«Ձեզ եմ ներկայացնում թիվ 13 տարածքային ընտրական հանձնաժողովի 43-Ա որոշումը. Գնում ենք նոր ընտրությունների: Ի գործ»,-գրել է Վեդիում պարտված ՔՊ-ական Գարիկ Սարգսյանը։

Հիշեցնենք, որ «Քաղաքացիական պայմանագիր» և «Հանրապետություն» կուսակցությունների համամասնական ցուցակների ավագանու բոլոր թեկնածուներով թիվ 13 Տարածքային ընտրական հանձնաժողով ներկայացրել էին ինքնաբացարկի դիմումներ:

Նշենք, որ Արարատի մարզի Վեդի համայնքում առավել մեծ քանակով ձայներ ստացել է «Իմ հզոր համայնք» կուսակցությունը.

«ԻՄ ՀԶՈՐ ՀԱՄԱՅՆՔ» ԿՈՒՍԱԿՑՈՒԹՅՈՒՆ 8 666
«ՀԱՆՐԱՊԵՏՈՒԹՅՈՒՆ» ԿՈՒՍԱԿՑՈՒԹՅՈՒՆ 3 299
«ՔԱՂԱՔԱՑԻԱԿԱՆ ՊԱՅՄԱՆԱԳԻՐ» ԿՈՒՍԱԿՑՈՒԹՅՈՒՆ 7 690
Անճշտությունների գումարային չափը 3

«Իմ հզոր համայնք» կուսակցության համայնքապետի թեկնածու, Սիսավանի համայնքապետ Սպարտակ Թարթիկյանը նշել էր, որ «Քաղաքացիական պայմանագրին» և «Հանրապետությանը» կոալիցիա կազմելու առաջարկ չեն անելու։