կարևոր
1249 դիտում, 5 ամիս առաջ - 2021-12-16 11:07

Հայաստանը պատրաստ է միակողմանի և անվերջ զիջումների՝ այդ թվում մեր տարածքի, Արցախի և մեր սուվերենության հաշվին. Սուրեն Սարգսյան

Հայաստանը պատրաստ է միակողմանի և անվերջ զիջումների՝ այդ թվում մեր տարածքի, Արցախի և մեր սուվերենության հաշվին. Սուրեն Սարգսյան

Սկսած 1992թ. հունվարի 6-ից ԱՄՆ արտաքին քաղաքական օրակարգում հայ-թուրքական հարաբերությունների կարգավորումը առաջնահերթություն է եղել: Գրում է քաղաքագետ Սուրեն Սարգսյանը:

«Սկսած Բուշ ավագի վարչակազմից, այս առաջնահերթությունը չի փոխվել:Ցանկացած փուլում, երբ նման հնարավորություն է եղել, Վաշինգտոնն աջակցել է հայ-թուրքական գործընթացին: Հիմա ամերիկյան քաղաքականության ակտիվացումը պայմանավորված է նաև այս գործընթացով:

Բոլորն են հասկանում, որ Հայաստանն իր պատմության մեջ առաջին անգամ բավարարել է Թուրքիայի բոլոր նախապայմանները, և սա դիտարկվում է, որպես պատմական պահ:Բոլորն են հասկանում նաև, որ Հայաստանը հետ է քաշվել իր ստրատեգիական շահերից և պատրաստ է միակողմանի և անվերջ զիջումների՝ այդ թվում ազգային անվտանգության հաշվին:

Հիմա մեզ բոլորն են քաջալերելու գնալ հաշտեցման ճանապարհով (Թուրքիայի և Ադրբեջանի հետ), քանի որ մենք ենք պատրաստ զիջումների՝ այդ թվում մեր տարածքի, Արցախի և մեր սուվերենության հաշվին»: