կարևոր
571 դիտում, 1 ամիս առաջ - 2021-12-15 18:42

Հրավիրում ենք ՄԻՊ-ի և միջազգային կազմակերպությունների ուշադրությունը նման ծավալի ապօրինությունների վրա. «Հայաստան» դաշինքի հայտարարությունը

Հրավիրում ենք ՄԻՊ-ի և միջազգային կազմակերպությունների ուշադրությունը նման ծավալի ապօրինությունների վրա. «Հայաստան» դաշինքի հայտարարությունը

«Հայաստան» դաշինքի անդամ Նարեկ Մանթաշյանը դարձավ հերթական ապօրինի կալանավորման զոհը։ Հայաստանում արդարադատության ճգնաժամը տևական ժամանակ է՝ ինչ հաստատուն փաստ է այլեւս: Դատարանների անկախության դեմ իշխանությունների՝ ոչ մի սահման չճանաչող պայքարն ակնհայտորեն տվել է իր արդյունքները: Ասված է դաշինքի հայտարարության մեջ: 

«Իրավապահների կողմից առկա չէ որևէ դիմադրություն քաղաքական բաղադրիչ ունեցող գործերով ապօրինություններից զերծ մնալու համար։ Քաղաքական այլակարծություն ունեցողների, ընդդիմադիր դիրքերից հանդես եկող ցանկացած անձի նկատմամբ կալանավորումն այլեւս իշխանությունների միակ գործիքն է: Նշվածը հերթական անգամ ակնառու դարձավ ՏԻՄ ընտրություններից հետո։

Չնայած առկա լուրջ մարտահրավերներին, միակ գործիքակազմը, որ իրացնում է այս իշխանությունը՝ կալանավորումն է, որը 90%-ից ավելի դեպքերում պարզապես կնիքվում է դատարանների կողմից:

Հրավիրում ենք Մարդու իրավունքների պաշտպանի և միջազգային կազմակերպությունների ուշադրությունը մարդու անձնական ազատության՝ նման ծավալի խախտումների և ապօրինությունների վրա»: