կարևոր
1129 դիտում, 7 ամիս առաջ - 2021-12-14 19:49

Մակրոնն ու Պուտինը խոսել են արցախյան հակամարտության կարգավորման գործընթացի մասին

Մակրոնն ու Պուտինը խոսել են արցախյան հակամարտության կարգավորման գործընթացի մասին

Ֆրանսիական կողմի նախաձեռնությամբ Վլադիմիր Պուտինը հեռախոսազրույց է ունեցել Ֆրանսիայի Հանրապետության նախագահ Էմանուել Մակրոնի հետ։ Այս մասին տեղեկացնում է kremlin.ru-ն։

Ռուսաստանի և Ֆրանսիայի նախագահները մանրամասն խոսել են արցախյան հակամարտության կարգավորման գործընթացին։ Վլադիմիր Պուտինը տեղեկացրել է 2021 թվականի նոյեմբերի 26-ին Սոչիում Ռուսաստանի, Հայաստանի և Ադրբեջանի ղեկավարների եռակողմ հանդիպման հիմնական արդյունքների մասին: Պատմել է, թե ինչպես է տարածաշրջանում ընթանում հրադադարի ռեժիմի պահպանման, փախստականների վերադարձի, առեւտրատնտեսական եւ տրանսպորտային կապերի վերականգնման միջոցառումների իրականացումը:

Կողմերը հույս են հայտնել, որ 2021 թվականի դեկտեմբերի 15-ին Եվրամիության կառույցների ղեկավարների հանդիպումը ևս օգտակար կլինի:

Նախագահները վերաահստատել են իրենց աջակցությունը ԵԱՀԿ Մինսկի խմբի համանախագահների աշխատանքների ակտիվացման նպատակահարմարությանը։

Հեռախոսազրույցում կողմերը նաև քննարկել են Բելառուսի սահմաններին տիրող իրավիճակը, Ուկրաինայի շուրջ ստեղծված իրավիճակի սկզբունքային գնահատականները։ Պուտինն ընդգծել է միջազգային բանակցությունների անհապաղ մեկնարկի կարեւորությունը՝ օրինականորեն ամրագրված երաշխիքներ մշակելու համար՝ բացառելով ՆԱՏՕ-ի հետագա առաջխաղացումը դեպի արեւելք եւ Ռուսաստանին սպառնացող զենքի տեղակայումը հարեւան երկրներում, առաջին հերթին՝ Ուկրաինայում։