կարևոր
1162 դիտում, 9 ամիս առաջ - 2021-12-10 12:33

Մեծամորում բռնկված հրդեհի հետևանքով տուժածը հոսպիտալացվել է

Մեծամորում  բռնկված հրդեհի հետևանքով տուժածը հոսպիտալացվել է

Դեկտեմբերի 10-ին, ժամը 00։46-ին Արմավիրի մարզային ճգնաժամային կառավարման կենտրոն ահազանգ է ստացվել, որ Մեծամորի 2-րդ թաղամասում գտնվող շենքերից մեկի բնակարաններից մեկում հրդեհ է բռնկվել։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Փրկարարները տարահանել են 8-րդ և 9-րդ հարկի բնակարանների բնակիչներին:

Հրդեհը մեկուսացվել է ժամը 01:13-ին, մարվել՝ 01:51-ին: Մասամբ այրվել են բնակարանի (մոտ 50 քմ) նախասրահը և հյուրասենյակը՝ գույքով․ հյուրասենյակի հատակին ծխահարված և անգիտակից հայտնաբերվել է Գ․ Օ․-ն (ծնված 1985 թ․), ում փրկարարները մոտեցրել են շտապօգնության ավտոմեքենային․ տուժածը հոսպիտալացվել է Մեծամոր քաղաքի ԲԿ։