կարևոր
316 դիտում, 1 ամիս առաջ - 2021-12-10 10:19

Շարունակվում է Ազգային Ժողովի ութերորդ գումարման երկրորդ նստաշրջանի աշխատանքները. ՏԵՍԱՆՅՈՒԹ

ՀՀ ազգային ժողովն այսօր՝ դեկտեմբերի 10-ին, շարունակում է դեկտեմբերի 7-ին մեկնարկած նիստի աշխատանքները:

Ազգային ժողովի ութերորդ գումարման երկրորդ նստաշրջանի դեկտեմբերի 7-ին գումարվող հերթական նիստերի օրակարգում ընդգրկված էր 24 հարց: 

Օրակարգային հարցերի թվում են նաև «Զանգվածային լրատվության մասին» օրենքում, «Զինվորական ծառայության և զինծառայողի կարգավիճակի մասին», Վարչական իրավախախտումների վերաբերյալ օրենսգրքում, «Պետական տուրքի մասին» օրենքում, հարկային օրենսգրքում, «Հայաստանի Հանրապետության քաղաքացիության մասին» օրենքում և մի շարք այլ իրավական ակտերում լրացումներ և փոփուխություններ կատարելու մասին նախագծերը: 

Քվեարկության կդրվեն նախորդ օրը քննարկված օրենքների նախագծերը, այդ թվում Covid-19-ի դեմ պատվաստման կամ ՊՇՌ թեստի սերտիֆիկատ չներկայացնելու դեպքում աշխատակցին աշխատավայրում գտնվել չթույլատրելու, աշխատանքային պարտականությունները չկատարելու հիմքով ընդհուպ աշխատանքային պայմանագիրը լուծելու իրավունք տվող նախագիծը:

Քվեարկության կդրվի նաև չնույնականացված աղբյուրի տեղեկությունը տարածելիս ԶԼՄ-ին պատասխանատվությունից չազատելուն առնչվող օրենքի նախագիծը և մի շարք այլ օրենսդրական նախաձեռնություններ: