կարևոր
2044 դիտում, 11 ամիս առաջ - 2021-12-09 15:03

Զինվորի տան առաջին բարեկամ Հայ օգնության միության ներկայացուցիչները վերահաստատել են իրենց պատրաստակամությունը

Զինվորի տան առաջին բարեկամ Հայ օգնության միության ներկայացուցիչները վերահաստատել են իրենց  պատրաստակամությունը

Զինվորի տան առաջին բարեկամները՝ Հայ օգնության միությունը, այսօր մեզ հյուր էին: Այս մասին հայտնում են Զինվորի Տուն Վերականգնողական Կենտրոնից:

«Զինվորի տան տնօրեն Հայկուհի Մինասյանն ընդունել է Հայ օգնության միությանը Հայաստանի շրջանային վարչության ատենապետուհի Սիլվա Յուզբաշյանին, Կենտրոնական վարչության ատենապետուհի Նաիրի Տերտերյանին, Հայ օգնության միության կենտրոնական վարչության հայաստանյան ներկայացուցիչ Համեստուհի Սասունյան-Բեջուքյան և հայաստանյան մասնաճյուղի ներկայացուցիչ Օֆելյա Գրիգորյանին:

Կենտրոնում շրջայցից հետո Հայկուհի Մինասյանը Հայ օգնության միության ներկայացուցիչներին պատմել է Զինվորի տան վերակառուցման և վետերանների հոսպիտալի կառուցման նախագծերի մասին: Զինվորի տան բարեկամները տեսել են նաև իրենց կառույցի աջակցությամբ ձեռք բերված շարժական ռենտգեն սարքը, որի առկայութան պայմաններում անհամեմատ հեշտացել է տղաների ռենտգեն հետազոտության գործընթացը: Անմիջապես իրենց սենյակներում հետազոտվում են, նկարն էլ թվային սարքի միջոցով տեղում ուղարկվում է ցանկացած բուժկենտրոն:

Հայ օգնության միությունը Զինվորի տան կողքին է եղել այն պահից, երբ կենտրոնը դեռ միայն գաղափար էր, ոչ թե իրականություն: Հայ օգնության միության ներկայացուցիչներն այսօր վերահաստատել են իրենց պատրաստակամությունը՝ շարունակել լինել զինվորների և Զինվորի տան կողքին»: