կարևոր
1828 դիտում, 8 ամիս առաջ - 2021-12-08 21:53

Գերիների ու անհետ կորածների հարազատների հետ Ալեն Սիմոնյանի հանդիպման մանրամասները գաղտնի են

Գերիների ու անհետ կորածների հարազատների հետ Ալեն Սիմոնյանի հանդիպման մանրամասները գաղտնի են

Ազգային ժողովից հայտնում են, որ քիչ առաջ ավարտվել է ԱԺ նախագահ Ալեն Սիմոնյանի նախաձեռնած հանդիպումը՝ Ադրբեջանում գտնվող գերիների ու անհետ կորած զինծառայողների հարազատների հետ: «Հանդիպմանը մասնակցել է հարազատներից 10 հոգի՝ այդ թվում զինծառայողների մայրեր: Համաձայն պայմանավորվածության՝ այլ մանրամասներ չեն ներկայացվում»:

Հիշեցնենք, որ երեկվանից Երևանում և Շիրակում գերիների ու անհետ կորած զինծառայողների հարազատները բողոքի ակցիա էին իրականացնում՝ պաահնջելով Ալեն Սիոմնյանից բացատրություն տալ իր խոսքերի համար: Համացանցում տարածվել էր տեսանյութ, որտեղ ԱԺ նախագահ Ալեն Սիմոնյանը, նշել էր. ես գերիներին համարում եմ, որ չկան, իմ համար չկան: Այդ գերիներն այն մարդիկ են, որոնք զենքը դրել, փախել և մոլորվել են և հավելել, որ բոլոր գերիների նկատմամբ պետք է քննություն իրականացվի, և քրեական պատասխանատվության ենթարկվեն։