կարևոր
5887 դիտում, 1 ամիս առաջ - 2021-12-07 13:52

Վարդենիսում 2 ընդդիմադիր դաշինք համագործակցության հուշագիր է ստորագրել. ՔՊ-ն այստեղ էլ դուրս է մնում

Վարդենիսում 2 ընդդիմադիր դաշինք համագործակցության հուշագիր է ստորագրել. ՔՊ-ն այստեղ էլ դուրս է մնում

Վարդենիս համայնքում կայացած ավագանու ընտրությունների արդյունքում «Ահարոն Խաչատրյան» կուսակցությունների դաշինքը և «Միասնական Վարդենիս կուսակցությունների դաշինքը համագործակցության և համայնքում տեղական իշխանության մարմինները միասնաբար ձևավորելու մասին հայտարարություն են ստորագրել:  

«ՀԱՅՏԱՐԱՐՈՒԹՅՈՒՆ

Վարդենիս համայնքում ավագանու ընտրությունների արդյունքում Համագործակցության և համայնքում տեղական իշխանության մարմինները միասնաբար ձևավորելու մասին

2021 թվականի դեկտեմբերի 5-ին ՀՀ Գեղարքունիքի մարզի Վարդենիս խոշորացված համայնքի ավագանու ընտրություններում «Ահարոն Խաչատրյան» կուսակցությունների դաշինքը՝ ի դեմս դաշինքի ավագանու ցուցակը գլխավորող Ահարոն Խաչատրյանի՝ մի կողմից և «Միասնական Վարդենիս» կուսակցությունների դաշինքը՝ ի դեմս ավագանու ցուցակը գլխավորող Արամ Հարությունյանի՝ մյուս կողմից, հիմք ընդունելով Վարդենիս համայնքի ավագանու ընտրությունների նախնական արդյունքները, ստորագրում են սույն հայտարարությունը համագործակցության, համայնքապետի համաձայնեցված թեկնածու առաջադրելու և տեղական իշխանության մարմինները միասնաբար ձևավորելու մասին:

«Ահարոն Խաչատրյան» կուսակցությունների դաշինք,  Ահարոն Խաչատրյան

«Միասնական Վարդենիս» կուսակցությունների դաշինք, Արամ Հարությունյան

07.12.2021 թ.»:

Նշենք, որ այս համայնքում ևս, չնայած իշխող «Քաղաքացիական պայմանագիր» կուսակցությունը առավել ձայներն է հավաքել, սակայն մրցակից դաշինքների կոալիցիայի արդյունքում, իշխող կուսակցությունը չի ստանում համայնքի ղեկավարի պաշտոնը: 

«ԱՀԱՐՈՆ ԽԱՉԱՏՐՅԱՆ» ԿՈՒՍԱԿՑՈՒԹՅՈՒՆՆԵՐԻ ԴԱՇԻՆՔ 4 993
«ՄԻԱՍՆԱԿԱՆ ՎԱՐԴԵՆԻՍ» ԿՈՒՍԱԿՑՈՒԹՅՈՒՆՆԵՐԻ ԴԱՇԻՆՔ 2 206
«ՔԱՂԱՔԱՑԻԱԿԱՆ ՊԱՅՄԱՆԱԳԻՐ» ԿՈՒՍԱԿՑՈՒԹՅՈՒՆ 6 162