կարևոր
1462 դիտում, 9 ամիս առաջ - 2021-12-07 13:21

Վեց ընտրատեղամասի քվեարկության արդյունքները կվերահաշվարկվեն. ԿԸՀ

Վեց ընտրատեղամասի քվեարկության արդյունքները կվերահաշվարկվեն. ԿԸՀ

2021 թվականի դեկտեմբերի 5-ին կայացած տեղական ինքնակառավարման մարմինների ընտրությունների քվեարկության արդյունքների վերահաշվարկի կամ տեղամասում քվեարկության արդյունքներն անվավեր ճանաչելու մասին դիմումներ համապատասխան տարածքային ընտրական հանձնաժողով կարող էին ներկայացվել մինչև դեկտեմբերի 07-ը` ժամը 11.00-ն: Այս մասին տեղեկանում ենք Կենտրոնական ընտրական հանձնաժողովից:

«Սահմանված ժամկետում ընտրական տեղամասում քվեարկության արդյունքների վերահաշվարկի մասին ընդհանուր թվով 67 դիմում են ստացվել թվով 6 տարածքային ընտրական հանձնաժողովում: Նշված դիմումներով պահանջվում է վերահաշվարկ իրականացնել 67 տեղամասում:

Տեղամասում քվեարկության արդյունքներն անվավեր ճանաչելու մասին դիմումներ տարածքային ընտրական հանձնաժողովները չեն ստացել:

Վերահաշվարկ կիրականացվի թիվ 15, 21, 23, 27, 28, 29 տարածքային ընտրական հանձնաժողովում։

Նշված հանձնաժողովներում վերահաշվարկների աշխատանքները կմեկնարկեն այսօր՝ 2021 թվականի դեկտեմբերի  7-ին, ժամը 14:00-ից»: