կարևոր
1804 դիտում, 1 ամիս առաջ - 2021-12-06 14:40

Փաշինյանի հրավիրած Անվտանգության խորհրդի նիստին մասնակցում են միայն ԱԺ իշխող խմբակցության ներկայացուցիչները

Փաշինյանի հրավիրած Անվտանգության խորհրդի նիստին մասնակցում են միայն ԱԺ իշխող խմբակցության ներկայացուցիչները

Նիկոլ Փաշինյանի գլխավորությամբ տեղի է ունեցել Անվտանգության խորհրդի նիստ: Քննարկման թեմաների մասին, սակայն, տեղեկություն չեն հայտնում:

Բացի Անվտանգության խորհրդի անդամներից՝ նիստին մասնակցել են նաև Ազգային ժողովի նախագահ Ալեն Սիմոնյանը, ՀՀ վարչապետի աշխատակազմի ղեկավար Արայիկ Հարությունյանը, ԱԺ փոխնախագահ Ռուբեն Ռուբինյանը, ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը, ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը, Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:

Հատկանշական է, որ նիստին ներկա են ԱԺ իշխող խմբակցության ներկայացուցիչները, իսկ ընդդիմադիր խմբակցությունների որևէ ներկայացուցիչ՝ այդ թվում փոխնախագահ Իշխան Սաղաթելյանը, «Հայաստան» և «Պատիվ» ունեմ խմբակցությունների ղեկավարները, մշտական հանձնաժողովների նախագահները չեն հրավիրվել: