կարևոր
1216 դիտում, 1 տարի առաջ - 2021-12-05 15:15

Ժամը 14:00-ի դրությամբ մասնակցության ամենաբարձր ցուցանիշը Թումանյան համայնքում է

Ժամը 14:00-ի դրությամբ մասնակցության ամենաբարձր ցուցանիշը Թումանյան համայնքում է

ՏԻՄ ընտրություններին ժամը 14:00-ի դրությամբ մասնակցել է ընտրողների 20.75 տոկոսը։ Այս մասին տեղեկանում ենք ԿԸՀ-ի կայքից։

Մասնակցության ամենաբարձր ցուցանիշը գրանցվել է Թումանյան համայնքում 45.30 տոկոս, այնուհետև Ապարանում 37.65 տոկոս, Վայքում 37.30 տոկոս։

Վանաձորում 14:00-ի դրությամբ ընտրություններին մասնակցել է ընտրողների 17.84 տոկոսը։

Ընտրություններին մասնակցության ամենացածր ցուցանիշը գրանցվել է Արարատում 7.36 տոկոս, Էջմիածնում` 10.94 տոկոս։

Այսօր Հայաստանի 36 խոշորացված համայնքում ՏԻՄ ընտրություններ են: Համամասնական ընտրակարգով հերթական ընտրություններ են անցկացվում Արագածոտնի, Արարատի, Արմավիրի, Գեղարքունիքի, Լոռու, Կոտայքի, Շիրակի, Վայոց ձորի և Տավուշի մարզերի 36 համայնքում, իսկ Արագածոտնի մարզի Արևուտ և Մեծաձոր համայնքներում անցկացվում են մեծամասնական ընտրակարգով  հերթական ընտրություններ: Նշված երկու համայնքներում ընթանում են համայնքի ղեկավարի և ավագանու անդամների ընտրություններ: