կարևոր
2365 դիտում, 8 ամիս առաջ - 2021-12-04 15:09

Վանաձոր քաղաքում խոշոր հրդեհ է բռնկվել

Վանաձոր քաղաքում խոշոր հրդեհ է բռնկվել

Վանաձորի Աղայան փողոցի շենքերից մեկի բնակարաններից մեկի ննջասենյակում հրդեհ է բռնկվել, մահճակալին հայտնաբերվել է տան բնակիչ Ռ․ Խ․-ի (ծնված 1947 թ․) դին: Այս մասին հայտնում  են ՀՀ ԱԻՆ-ից:

Դեկտեմբերի 4-ին, ժամը 11։40-ին Լոռու մարզային ճգնաժամային կառավարման կենտրոն ահազանգ է ստացվել, որ Վանաձոր քաղաքի Աղայան փողոցի շենքերից մեկի տանիքից ծուխ է նկատվում։

Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից երկու մարտական հաշվարկ և մեկ ավտոսանդուղք։

Պարզվել է, որ հրդեհ է բռնկվել Աղայան փողոցի շենքերից մեկի բնակարաններից մեկի ննջասենյակում։

Հրդեհը մեկուսացվել է ժամը 12։18-ին, մարվել՝ 12։50-ին։ Ննջասենյակի մահճակալին հայտնաբերվել է տան բնակիչ Ռ․ Խ․-ի (ծնված 1947 թ․) դին։

Այրվել են երկու մահճակալ, ջերմահարվել՝ մեկ պահարան։