կարևոր
577 դիտում, 1 ամիս առաջ - 2021-12-02 18:59

Արարատի մարզի Նոր կյանք գյուղում Վիրաբյանների ընտանիքը նոր էջից սկսում է կյանքը․ ՏԵՍԱՆՅՈՒԹ

«Սարգիս Մուրադյան» պատկերասրահի հիմնադիր, գեղանկարչուհի Զարուհի Մուրադյանի եւ Հակոբ Ճաղարյանի ջանքորով եւս մեկ Արցախից տեղահանված ընտանիք տոնեց սպասված բնակարանամուտը: Արարատի մարզի Նոր կյանք գյուղում Վիրաբյանների ընտանիքը նոր էջից սկսում է կյանքը:

Զարուհի Մուրադյանի նախաձեռնած դրամահավաքի շնորհիվ արդեն երեք ընտանիք ունի նոր տուն: Վիրաբյանների ընտանիքը մինչեւ պատերազմն ապրել է Շահումյանի շրջանի Նոր Վերինշեն գյուղում:

Պատերազմը ստիպեց նրանց տեղափոխվել Կոտայքի Քարաշամբ գյուղ՝ ապրում էին ծանոթներից մեկի տանը: Նրանց մինչեւ գարուն ժամանակ էին տվել տունն ազատելու համար, քանի որ տանտերն այն պետք է վաճառեր: Իսկ 6-ամյա Արամը առաջին դասարան չհաճախեց այդ տեղափոխությունների պատճառով:

Այժմ ամեն ինչ իր տեղն է ընկել: Ալվարդ տատը պատմեց որ, 1988 թվականից մինչ օրս երեք անգամ տեղահանվել էն սակայն վերջինն ամենացավոտն էր: Առանց արցունքների հնարավոր չէր ցույց տալ Նոր Վերիշենում իրենց արդեն ավերակ տան պատկերը:

Փոքրիկ Խանդութը Հայաստանում նոր է սկսել հաճախել նախակրթարան, բայց ընկերներ դեռ չունի:Իր ընկերը փոքրիկ կատուն է: Վեց երեխաից ավագը՝ Սիրանուշը, կարոտում է դրախտ հիշեցնող Նոր Վերիշենը: Նրա խոսքով այստեղ ամեն ինչ տարբեր է:

Սակայն դժվարությունները չեն խանգարել Սիրանուշին գնալ նպատակների հետևից: Բուժքույր է դառնալու: Նոր տանը, նոր հույսերով է Վիրաբյանների ընտանիքը շարունակում ապրել: Երբեմնի երկու սենյակը, որը վարագույրներով կիսված էր եւ մի մասը հանդիսանում էր ննջարան, մնացին անցյալում:

Մանրամասները՝ Զարուհի Սահակյանի տեսանյութում։