կարևոր
1852 դիտում, 1 ամիս առաջ - 2021-12-02 12:06

Կառավարությունը հրաժարվում է գործածել Արցախի Հանրապետություն ձեւակերպումը

Կառավարությունը հրաժարվում է գործածել Արցախի Հանրապետություն ձեւակերպումը

ՀՀ Կառավարությունը «Տոների և հիշատակի օրերի մասին» օրենքում փոփոխության նախագծով առաջարկում է սեպտեմբերի 27-ը նշել որպես Արցախի ժողովրդի դեմ ադրբեջանական ագրեսիայի զոհերի հիշատակի օր։ Այս նախաձեռնությանը նախորդել էր ԱԺ «Հայաստան» խմբակցության պատգամավորներ Էլինար Վարդանյանի եւ Արմեն Գեւորգյանի նմանատիպ օրենսդրական նախաձեռնությունը, որին կառավարությունը տվել էր բացասական կարծիք։ Պատգամավորներն առաջարկել էին սեպտեմբերի 27-ը սահմանել որպես ադրբեջանական բանակի և միջազգային վարձ­կանների կողմից Արցախի Հանրապետության խաղաղ բնակ­չու­թյան դեմ հարձակման, տեղահանման և պատերազմի զոհերի հիշատակի օր:

Այս նախաձեռնությանը կառավարությունից արձագանքել էին, որ «Հայաստանի Հանրապետության կառավարությունը Հայաս­տանի Հանրա­պե­տության սահմաններին ծավալվող իրադարձություններով, ռազմա­քա­ղաքա­կան և օպերատիվ իրադրությամբ պայմանավորված՝ ներկա փուլում նպատակա­հարմար չի համարում օրենքի նախագծի այս տեսքով քննարկումը»:

Կառավարությունն իր առաջարկով հրաժարվում է գործածել Արցախի Հանրապետություն ձեւակերպումը, ինչպես նաեւ 2020 թվականի ագրեսիայի բնորոշման մեջ օտար վարձկանների մասնակցության փաստը։