կարևոր
649 դիտում, 1 ամիս առաջ - 2021-11-29 19:57

ՌԴ-ում կայացել է 44-օրյա պատերազմում զոհված ստեղծագործողների աշխատանքների ժողովածուի շնորհանդեսը. ՏԵՍԱՆՅՈՒԹ

Սանկտ Պետերբուրգի Համազգայինի մասնաճուղի Նորընտիր վարչության գրական ակումբի նախաձեռնությամբ տեղի ունեցավ հենց համազգային հայ կրթական ու մշակութային միության երևանյան գրասենյակի կողմից հրատարակված արցախյան 44-օրյա պատերազմում զոհված 11 հայ ստեծագործող տղաների՝ «Հնչող ձայներ» ինքնատիպ ժողովածուի շնորհանդեսը:

Տիգրան Հարությունյան, Վարդան Ամալյան, Արտակ Բարսեղյան, Շիրակ Գասպարյան, Ավետիք Կարճիկյան, Արեն Հովհաննիսյան, Հայասեր Հովսեփյան, Սուրեն Մելիքբեկյան, Շանթ Նավոյան և Վաչագան Մանուկյան. 11 տաղանդավոր տղաներ, որոնց կյանքի, սիրո և հայրենիքի մասին հնչեղ ձայնն այսօր լսելի է իրենց ստեղծագործություններով՝ որպես պատգամ սերունդներին:

Երկրի ու երկնքի արանքում՝ հիշատակի և հույսի մատյան դարձած ժողովածուի ստեղծագործություններն առավելապես ոչ հրապարակման համար գրված, առաջին հույզից ծնված գործեր են, որը գլխավորում են ամենանվիրյալները՝ պատգամելով արժանապատվորեն շարունակել իրենց կիսատ թողած գործը: