կարևոր
1417 դիտում, 3 օր առաջ - 2021-11-24 16:09

Ծանր է ապրել սեփական վախերի հետ. 7 միլիոն էլ կծախսի այլոց հեռախոսային նամակագրություններն ու խոսակցությունները լսելու համար. Էլինար Վարդանյան

Ծանր է ապրել սեփական վախերի հետ. 7 միլիոն էլ կծախսի այլոց հեռախոսային նամակագրություններն ու խոսակցությունները լսելու համար. Էլինար Վարդանյան

ԱԺ «Հայաստան» խմբակցության պատգամավոր Էլինար Վարդանյանը, անդրադառնալով Apple-ից նախազգուշական նամակներ ստանալուն, գրել է.

«Apple-ից երեկվանից, արդեն, նախազգուշական նամակներ են գալիս հայաստանցի ընդդիմադիր քաղաքական գործիչների եւ լրագրողների, որ իրենց հեռախոսներում Pegasus ծրագիր է տեղադրված։ Ոմանց պետք է հասանելիություն ստանալ ընդդիմադիրների նամակագրությանը։ Եվ ոչ միայն: Սեփական թիմակիցներն էլ պաշտպանված չեն:

Իսկ արժե զարմանալ, իհարկե`ոչ:

Մի մարդ, ով մտնում է իր ստատուսի տակ քոմենթ գրող «երիտասարդ կնոջ» էջ, նայում նկարներն ու դատողություն անում, և դրանով հիմնավորում սեփական քաղաքական թեզերը, 7 միլիոն էլ կծախսի այլոց հեռախոսային նամակագրություններն ու խոսակցությունները լսելու համար:

Ծանր է ապրել սեփական վախերի հետ»:

Նման նամակի մասին քիչ առաջ հայտարարեց նաև «ԱԺ պատիվ ունեմ» խմբակցության ղեկավար, ԱԱԾ նախկին տնօրեն Արթուր Վանեցյանը։

Հիշեցնենք, որ այսօր մի քանի հայաստանցիներ Apple-ից նախազգուշացնող նամակ են ստացել, որ իրենց գաղտնալսում են։

Ավելի վաղ հայտնել էինք, որ Apple-ը դատի է տվել իսրայելական ընկերությանը՝ Pegasus ծրագրով գաղտնալսում իրականացնելու համար: