կարևոր
1543 դիտում, 5 օր առաջ - 2021-11-24 11:19

ՀՅԴ Հայ դատի Հունաստանի գրասենյակի ջանքերով կհանվի Սալոնիկի ավտոբուսների վրայի ադրբեջանական գովազդը

ՀՅԴ Հայ դատի Հունաստանի գրասենյակի ջանքերով կհանվի Սալոնիկի ավտոբուսների վրայի ադրբեջանական գովազդը

ՀՅԴ Հայ դատի Հունաստանի գրասենյակը հայտնում է, որ հանդիպում է ունեցել Սալոնիկի Քաղաքային տրանսպորտի կազմակերպության ղեկավարի հետ, որին փոխանցվել է բողոքը հանրային ավտոբուսի վրա անթույլատրելի եւ վիրավորական գովազդային գրառման կապակցությամբ: Կազմակերպության նախագահը հանձն է առել անհապաղ հետամուտ լինել խնդրի վերացմանը և նշել, որ արդյունքների մասին առաջիկա օրերին կազմակերպությունը համապատասխան հայտարարություն կտարածի:

Նշենք, որ մի քանի օր է Սալոնիկի քաղաքային ավտոբուսների վրա փակցվել է հայկական պատմական Շուշի քաղաքի պատկերով գովազդ՝ ադրբեջանական տարբերակով անվանակոչված «Շուշա» գրառմամբ։ 

Այս ամենին արձագանքել է Հունաստանում ՀՀ դեսպանությունը՝ նշելով․

«Հունաստանում ՀՀ դեսպանությունը տեղեկացված է Սալոնիկ քաղաքում ադրբեջանական քարոզչական սադրանքի մասին եւ իրենից կախված ամեն միջոց գործադրում է, համայնքային կառույցների հետ միասին, որպեսզի այդ սադրանքը չեզոքացվի եւ ապագայում չկրկնվի»։