կարևոր
1630 դիտում, 4 օր առաջ - 2021-11-23 16:15

Արցախցին գրավյալ տարածքում արգելանքի տակ է վերցվել ադրբեջանական զինված ուժերի կողմից

Արցախցին գրավյալ տարածքում արգելանքի տակ է վերցվել ադրբեջանական զինված ուժերի կողմից

Այսօր՝ վաղ առավոտյան Արցախի Հանրապետության ազգային անվտանգության ծառայությանը հաղորդվել էր Մարտունու շրջանի Աշան համայնքի 2000թ. ծնված բնակիչ Մ.Մ.-ի անհայտ կորելու մասին:

Ահազանգի հիման վրա ձեռնարկված միջոցառումների արդյունքում պարզվել է, որ ԱՀ հիշյալ քաղաքացին առավոտյան մոլորվելու հետևանքով հայտնվել է Ադրբեջանի Հանրապետության զինված ուժերի վերահսկողության տակ գտնվող տարածքում և վերջիններիս կողմից վերցվել արգելանքի:

Արցախի Հանրապետության Ազգային անվտանգության ծառայությունից հայտնում են, որ դեպքի մասին անմիջապես հաղորդվել է ռուս խաղաղապահներին, որոնք պարզել ու հավաստիացել են ԱՀ քաղաքացու անվտանգության մեջ: Այս պահին բանակցություններ են ընթանում Մ.Մ.-ին հայկական կողմին վերադարձնելու ուղղությամբ: