կարևոր
259 դիտում, 1 շաբաթ առաջ - 2021-11-23 12:35

Ընդդիմադիր պատգամավորները մանրամասներ են ներկայացնում Իրավական հարցերով քննիչ հանձնաժողովից. ՏԵՍԱՆՅՈՒԹ

Ընդդիմադիր պատգամավորները մանրամասներ են ներկայացնում Իրավական հարցերով քննիչ հանձնաժողովից. ՏԵՍԱՆՅՈՒԹ

Նոյեմբերի 23-ին ԱԺ-ում մամուլի ասուլիսի ժամանակ Իրավական հարցերով քննիչ հանձնաժողովի գործունեության վերաբերյալ մանրամասներ են ներկայացնում հանձնաժողովի նախագահ, «Հայաստան» խմբակցության պատգամավոր Արամ Վարդևանյանը ու «Պատիվ ունեմ» խմբակցության պատգամավոր Աննա Մկրտչյանը:

Հանձնաժողովի ստեղծման նախաձեռնողները «Հայաստան» եւ «Պատիվ ունեմ» խմբակցություններն են:

Արամ Վարդևանյանը նշել է, որ քննիչ հանձնաժողովի ուսումնասիրման հարցերի առաջին խումբը վերաբերում է այն հայտնի խնդրին, որ դատարաններում գործերի համակարգչային միջոցով մակագրման համակարգը, այդ սարքավորումը, տեխնիկական լուծումը իշխանությունների կողմից խլվել է: Երկրորդ խումբը, որը ուսումնասիրելու է քննիչ հանձնաժողովը, վերաբերում է ՀՀ արդարադատության նախարարության կողմից դատավորների նկատմամբ հարուցված կարգապահական վարույթներին, որոնք ամենամեծ թափը ստացան 2020թ նոյեմբերից հետո:

Հանձնաժողովը ստեղծվել է «Ազգային ժողովի կանոնակարգ» սահմանադրական օրենքի 20-րդ հոդվածի 1-ին մասի համաձայն` պատգամավորների ընդհանուր թվի առնվազն մեկ քառորդի պահանջով դատարաններում գործերի՝ օրենքով սահմանված բաշխման կարգի խախտմամբ, ինչպես նաեւ՝ Արդարադատության նախարարի կողմից դատավորների նկատմամբ կարգապահական վարույթների հարուցմամբ արդար դատաքննությունը խոչընդոտող փաստերը ուսումնասիրելու նպատակով: