կարևոր
715 դիտում, 1 շաբաթ առաջ - 2021-11-19 23:05

Փաշինյանն ու Ալիևն ընդունել են Եվրախորհրդի ղեկավարի առաջարկը

Փաշինյանն ու Ալիևն ընդունել են Եվրախորհրդի ղեկավարի առաջարկը

Եվրոպական խորհրդի ղեկավար Շառլ Միշելի հետ հեռախոսազրույցից հետո Նիկոլ Փաշինյանը և Իլհամ Ալիևը համաձայնել են հանդիպել դեկտեմբերի 15-ին Բրյուսելում՝ ԵՄ-Արևելյան գործընկերության գագաթնաժողովի շրջանակներում։ 

«Եվրոպական խորհրդի ղեկավար Շառլ Միշելն առաջարկել է Բրյուսելում՝ ԵՄ-Արևելյան գործընկերության գագաթնաժողովի շրջանակներում, հանդիպում անցկացնել Ադրբեջանի նախագահի  և Հայաստանի վարչապետի միջև։ Առաջնորդները պայմանավորվել են հանդիպում անցկացնել Բրյուսելում՝ քննարկելու համար տարածաշրջանային իրավիճակը և լարվածության հաղթահարման ուղիները»,- ասված է Եվրահանձնաժողովի տարածած հաղորդագրության մեջ:

Հեռախոսազրույցների ընթացքում Հայաստանի և Ադրբեջանի ղեկավարները պայմանավորվել են նաև ստեղծել ուղիղ կապի գիծ՝ համապատասխան պաշտպանության նախարարների մակարդակով, որը կծառայի որպես միջադեպերի կանխարգելման մեխանիզմ։