ԱՄՆ Կոնգրեսական Աննա Էշուն դատապարտում է այս շաբաթ Ադրբեջանի հարձակումը Հայաստանի Հանրապետությայն ինքնիշխան տարածքի վրա։ Հայտնում է Հայ դատի Ամերիկայի հանձնախումբը:
«Ադրբեջանի հարձակումները անցյալ տարվա հրադադարի կոպտագույն խախտում են և լուրջ սպառնալիք տարածաշրջանային կայունության համար։ Ես խստորեն դատապարտում եմ Ադրբեջանի ագրեսիան և կոչ եմ անում Պետդեպարտամենտին օգտագործել դիվանագիտական բոլոր լծակները՝ կանխելու հետագա էսկալացիան և մարդկային կորուստները»։
Նշենք, որ մեկ տասնյակից ավել կոնգրեսակններ նման հայտարարություններով են հանդես գալիս վերջին օրերին՝ դատապարտելով Ադրբեջանի կողմից Հայաստանի Հանրապետության ինքնիշխան տարածք ներխուժումը և ագրեսիվ ռազմական հարձակումը: