կարևոր
259 դիտում, 1 շաբաթ առաջ - 2021-11-18 15:03

Մասիս քաղաքում հրդեհ է բռնկվել, որը հաջողվել է մարել 14 ժամ անց

Մասիս քաղաքում հրդեհ է բռնկվել, որը հաջողվել է մարել 14 ժամ անց

ՀՀ ԱԻՆ-ը հայտնում է, որ նոյեմբերի 17-ին, ժամը 21։08-ին Արարատի մարզային ճգնաժամային կառավարման կենտրոն ահազանգ է ստացվել, որ Մասիս քաղաքի Հրանտ Վարդանյան 2-րդ փողոցում գտնվող նախկին պահածոների գործարանում հրդեհ է բռնկվել։

Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ և Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Հրդեհը մեկուսացվել է ժամը 23։00-ին, մարվել՝ նոյեմբերի 18-ին, ժամը 11։22-ին։ Այրվել է գործարանի մասնաշենքի չշահագործվող սառնարանի մեկուսիչը (340 քմ):