կարևոր
412 դիտում, 2 շաբաթ առաջ - 2021-11-18 11:32

Ադրբեջանում հայատյացությունն ու թշնամանքի քարոզը հասել է ծայրահեղական ֆաշիզմի. ՀՀ ՄԻՊ

Ադրբեջանում հայատյացությունն ու թշնամանքի քարոզը հասել է ծայրահեղական ֆաշիզմի. ՀՀ ՄԻՊ

Russia Today-ի ուղիղ եթերում ՀՀ մարդու իրավունքների պաշտպանը ներկայացրել է Հայաստանի նկատմամբ ադրբեջանական անօրինական ներխուժումների ու ահաբեկչական հարձակումների հետևանքները, որից վերջինը տեղի ունեցավ նոյեմբերի 16-ին։ Այս մասին հայտնում է ՀՀ ՄԻՊ Արման Թաթոյանը:

«ՀՀ մարդու իրավունքների պաշտպանի փաստահավաք աշխատանքներն ապացուցում են, որ ադրբեջանական զինված ծառայողներն ամեն օր են գործում հանցանքներ մեր գյուղերի անմիջական հարևանությամբ՝ կրակելով, գողություններով, սպառնալով ու ահաբեկելով խաղաղ բնակչությանը։

Հայ դատի Ամերիկայի հանձնախմբի ամերիկյան տարածաշրջանի աջակցությամբ Russia Today-ին հարցազրույցի ժամանակ Պաշտպանը խոսել է այդ անօրինական արարքների իրական պատճառների մասին։

Պետական հովանավորչությամբ հայատյացությունն ու թշնամանքի քարոզը Ադրբեջանում վերջին պատերազմից հետո հասել են ծայրահեղական՝ ֆաշիզմի։

Հայասպանություն խրախուսող պետական քաղաքականությունը սպառնալիք է երկու երկրների ժողովուրդների խաղաղ կյանքին ու անվտանգությանը»։