կարևոր
175 դիտում, 2 շաբաթ առաջ - 2021-11-17 18:55

ՀԱՊԿ-ում ուշադիր հետևում են սահմանին տիրող իրավիճակին. Զախարովա

ՀԱՊԿ-ում ուշադիր հետևում են սահմանին տիրող իրավիճակին. Զախարովա

Մոսկվան կոչ է անում Հայաստանին և Ադրբեջանին զսպվածություն ցուցաբերել։ Այս մասին ճեպազրույցի ժամանակ հայտարարել է Ռուսաստանի Արտաքին գործերի պաշտոնական ներկայացուցիչ Մարիա Զախարովան։

«Մենք երկու կողմերին կոչ ենք անում զսպվածություն դրսևորել, կանխել նոր միջադեպերը և լուծել բոլոր վեճերը բացառապես քաղաքական և դիվանագիտական ճանապարհով»,- ասել է Զախարովան՝ հավելելով, որ Մոսկվան պատրաստ է շարունակել օգնություն ցուցաբերել կողմերին՝ տարածաշրջանում խաղաղության ու կայունության պահպանման շահերից ելնելով։

Ռուսաստանը կարևորում է նաև Հայաստանի և Ադրբեջանի կողմից սահմանների դելիմիտացիայի գործընթացի շուտափույթ գործարկումը։

«Վերջին իրադարձությունները հաստատում են ադրբեջանա-հայկական սահմանի դելիմիտացիայի և հետագա սահմանազատման գործընթացի շուտափույթ գործարկման, ինչպես նաև համապատասխան հանձնաժողովի աշխատանքի մեկնարկի կարևորությունը ՝ ավելի վաղ ներկայացված ռուսական առաջարկների հիման վրա»։

ՌԴ ԱԳՆ պաշտոնական ներկայացուցիչը նաև նշել է, որ ՀԱՊԿ-ում ուշադիր հետևում են տիրող իրավիճակին:

«Ռուսաստանը լուրջ է վերաբերվում իր պարտավորություններին՝ ինչպես երկկողմ, այնպես էլ բազմակողմ։ Երկկողմ ուղղությամբ համապատասխան խորհրդակցություններ են անցկացվում»,- ասել է Զախարովան։