կարևոր
835 դիտում, 2 շաբաթ առաջ - 2021-11-17 16:50

«Հայաստան» խմբակցության պատգամավորները Սյունիքում են. ԱԺ նիստերին չմասնակցելու որոշումն անփոփոխ է

«Հայաստան» խմբակցության պատգամավորները Սյունիքում են. ԱԺ նիստերին չմասնակցելու որոշումն անփոփոխ է

«Հայաստան» դաշինքը իրավիճակի վերաբերյալ երեկ հանդես է եկել հստակ հայտարարությամբ: Այսօր դաշինքը նախաձեռնել է քաղաքական խորհրդակցություններ: Խմբակցության պատգամավորների մի խումբ գործուղվել է Սյունիք, մյուսը միջազգային գործընկերներին է ներակայացնում իրավիճակը: Նշված է դաշինքի տարածած հայտարարության մեջ:

«Ծայրահեղ անհանգստացնող է Հայաստանի ինքնիշխանության դեմ Ադրբեջանի հանցագործության նոր ալիքը, միջազգային պատշաճ արձագանքի բացակայությունը, այս ձախողված իշխանության դիմադրելու անկարողությունը:

Արձանագրում ենք՝ Ազգային ժողովն իր մեծամասնությամբ ամբողջությամբ կտրված է այսօր Հայաստանի առջև ծառացած հիմնախնդիրներից:

Նրանց միակ օրակարգն ու նպատակը ցանկացած գնով, այդ թվում շարունակական զիջումներով իշխանության մնալն է: Մեր նպատակն է նրանց հեռանալը, ինքնիշխանության երաշխավորումը:

Մեր որոշումն այս շաբաթվա նիստերին չմասնակցելու մասով, անփոփոխ է»: