կարևոր
295 դիտում, 2 շաբաթ առաջ - 2021-11-17 15:27

Կոչ ենք անում անհապաղ դատապարտել Ադրբեջանի անօրինական ագրեսիան. Հայ Դատի Հունաստանի հանձնախմբի հայտարարությունը

Կոչ ենք անում անհապաղ դատապարտել Ադրբեջանի անօրինական ագրեսիան. Հայ Դատի Հունաստանի հանձնախմբի հայտարարությունը

Հայ Դատի Հունաստանի հանձնախմբի հայտարարությունը՝ Հայաստանի վրա Ադրբեջանի հարձակման վերաբերյալ.

«Ադրբեջանի զինված ուժերը ծանր սպառազինության կիրառմամբ հարձակվել են Հայաստանի վրա։ Սա անցյալ տարվա պատերազմից ի վեր ամենամեծ էսկալացիան է։ Նոյեմբերի 16-ին Ադրբեջանի զինված ուժերը ներխուժել են Հայաստանի սահմանի արևելյան ուղղությամբ՝ խախտելով Հայաստանի Հանրապետության ինքնիշխան տարածքը։

Տեղային թեժ մարտեր են ընթացել ծանր սպառազինության, զրահատեխնիկայի եւ տարբեր տրամաչափի հրազենի կիրառմամբ: Հայաստանը հայտարարում է, որ զոհեր և վիրավորներ կան, միաժամանակ թշնամին զրահատեխնիկայի և կենդանի ուժի մեծ կորուստներ ունի։

Այս նոր հարձակումը Ադրբեջանի կողմից Հայաստանի Հանրապետության տարածքի զավթման փորձի շարունակությունն է, որն այս տարի սկսվել է մայիսի 12-ին՝ Հայաստանի, Սյունիքի և Գեղարքունիքի շրջաններում՝ ադրբեջանցիների կողմից շարունակվող հարձակումներով և բռնաճնշումներով:

Միևնույն ժամանակ, Ադրբեջանի կողմից ապատեղեկատվության փորձ է արվում, որն անհիմն մեղադրանքներ է առաջադրում Հայաստանին։

Այնհայտ է՝ ով է ներխուժողը։ Հասկանալի է, որ Ադրբեջանի ախորժակը չի բավրաարվում: Սա ոչ թե թշնամական գործողությունների, Թուրքիայի եւ Ադրբեջանի կողմից հայերի հանդեպ ատելության ստորադասման էսկալացիա է, այլ՝  մշակված եւ շարունակական պրակտիկա:

Պատերազմը մեկ տարի առաջ չավարտվեց։ Ադրբեջանի կամայական, բարբարոսական և հանցավոր գործողություններն ավելանում են։ 

Պահանջում ենք անօրինական եւ չբացահայտված ագրեսիայի անհապաղ դատապարտում, ակնկալում ենք Եվրոպական Միության, ՄԱԿ-ի և ԵԱՀԿ-ի միջամտությունը՝ կանխելու Հայաստանի և Արցախի բնակչության դեմ իրականացված շարունակական հանցագործությունները»: