կարևոր
2920 դիտում, 2 շաբաթ առաջ - 2021-11-16 19:59

Գեղամասարի սահմանին թշնամին մեծ թվով զինծառայողներ և զինտեխնիկա է կուտակում․ համայնքապետ

Գեղամասարի սահմանին թշնամին մեծ թվով զինծառայողներ և զինտեխնիկա է կուտակում․ համայնքապետ

Գեղամասար խոշորացված համայնքի սահմանին թշնամին մեծ թվով զինծառայողներ և և զինտեխնիկա է կուտակում։ Այս մասին NEWS.am-ի հետ զրույցում ասաց Գեղամասարի ղեկավար Հակոբ Ավետյանը։

«Շատ լարված վիճակ է։ Կեսօրից սկսած թշնամու կրակոցներ է հնչեցնում, մեր կողմն էլ պասիվ չէ, պաշտպանական միջոցներ են ձեռնարկվում։ Այս պահին բարձր զգոնությամբ սպասում ենք, թե ինչ պետք է լինի։ Այս պահին կրակոցները շատ չեն, հանդարտ է»,- նշեց նա։

Հակոբ Ավետյանն խոսքով՝ բնակիչների մոտ խուճապ չկա։

«Ինչ-որ տեղ նույնիսկ բնակիչների համար այս ամենը սովորական է դարձել, ամեն ինչ տեսել են։ Հիմա պատրաստ սպասում են ամեն իրավիճակի՝ արագ արձագանքելու համար։ Բնակիչները միշտ էլ պատրաստ են մարտական գործողությունների մասնակցել»,- ընդգծեց Հակոբ Ավետյանը։

Ավելի վաղ հայտնել էինք, որ Սոթքի հանքավայրի աշխատակիցները տարհանվել են, հանքավայրի աշխատանքները դադարեցվել են։

Առավոտվանից լրատվամիջոցները հայտնում են, որ  Գեղարքունիքում ևս իրավիճակը լարված է։ Լարված իրավիճակ է հատկապես Սոթքի ուղղությամբ, հայկական զինված ուժերը բերվել են մարտական պատրաստության առաջին համարի։

Ավելի վաղ հայտնել ենք, որ նոյեմբերի 16-ին, ժամը 13։00-ի սահմաններում ադրբեջանական ԶՈՒ ստորաբաժանումները ՀՀ արևելյան սահմանագոտու ուղղությամբ գնդակոծել են հայկական դիրքերը։