կարևոր
11230 դիտում, 2 շաբաթ առաջ - 2021-11-16 14:35

Թշնամին կիրառում է հրետանային միջոցներ, զրահատեխնիկա. իրադրությունը լարված է. ՊՆ-ն նոր մանրամասներ է ներկայացնում

Թշնամին կիրառում է հրետանային միջոցներ, զրահատեխնիկա. իրադրությունը լարված է. ՊՆ-ն նոր մանրամասներ է ներկայացնում

Ժամը 14։00-ի դրությամբ իրադրությունը Հայաստանի Հանրապետության արևելյան ուղղությամբ շարունակում է լարված մնալ։ Այս մասին հայտնում է ՀՀ ՊՆ-ն։

Ինչպես արդեն հաղորդվել էր, ադրբեջանական ԶՈՒ ստորաբաժանումները հերթական անգամ սադրանքի էին դիմել՝ հարձակում գործելով տվյալ ուղղությամբ տեղակայված հայկական դիրքերի վրա։

Թշնամին կիրառում է հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։ Հայկական կողմը դիմել է համարժեք գործողությունների։ Ինտենսիվ փոխհրաձգության արդյունքում հակառակորդն ունի զրահատեխնիկայի կորուստ։ Նշվում է Պաշտպանության նախարարության հաղորդագրության մեջ:

Ավելի վաղ հայտնել ենք, որ նոյեմբերի 16-ին, ժամը 13։00-ի սահմաններում, ադրբեջանական ԶՈՒ ստորաբաժանումները ՀՀ արևելյան սահմանագոտու ուղղությամբ գնդակոծել են հայկական դիրքերը: 

Թշնամին, իր հերթին, հայտնում է, որ ունի 2 վիրավոր: Նաև նշում է, թե գերի են վերցրել հայ զինծառայողների, ինչպես նաև՝ ռազմամթերք բռնազավթել:

Հայկական կողմը հայ գերիների վերաբերյալ դեռևս հերքող կամ հաստատող հայտարարություն չի տարածել: