կարևոր
739 դիտում, 2 շաբաթ առաջ - 2021-11-15 18:40

Սարգսյանի քրգործի վաղեմության ժամկետը մեկ ամսից վերանում էր․ կալանավորումն անտրամաբանական է.Վահե Հակոբյան. ՏԵՍԱՆՅՈՒԹ

Անդրադառնալով Արթուր Սարգսյանին կրկին կալանավորելու որոշում կայացնելուն՝ լրագրողների հետ զրույցում «Հայաստան» խմբակցության պատգամավոր Վահե Հակոբյանը ասաց, որ Արթուր Սարգսյանի հետ կատարվողը համարում է հերթական վրեժխնդրություն։ 

«Այստեղ ուղիղ գիծ է․ Սյունիքում իրադարձություններ են, Սիսիանի նախկին քաղաքապետը, որն ունի որոշակի հեղինակություն նույնպես կալանվորվում է։ Սա արվում է այն ժամանակ, երբ Արթուր Սարգսյանի քրգործի վաղեմության ժամկետը մեկ ամիս հետո կամ ավելի քիչ վերանում էր։ Սա տրամաբանության հետ որևէ կապ չունի»,-ասաց Հակոբյանը։ 

Վերջում Հակոբյանը հայտնեց, որ ԱԺ-ում արտահերթ լիագումար նիստ է տեղի ունենալու, որտեղ քննարկվելու է և՛ Արթուր Սարգսյանի կալանավորման և՛ ՊՆ-ի փոփոխման հարցերը, ինչպես նաև վերջին իրադարձությունները։

Ավելի վաղ հայտնել էինք, որ ՀՀ վերաքննիչ դատարանի դատավոր Արմեն Դանիելյանը բավարարել է դատախազության միջնորդությունը՝ Սիսիանի նախկին համայնքապետ, ԱԺ «Հայաստան» խմբակցության պատգամավոր Արթուր Սարգսյանին կալանավորելու վերաբերյալ:

Մանրամասները՝ տեսանյութում։