կարևոր
12232 դիտում, 2 շաբաթ առաջ - 2021-11-15 14:20

Արշակ Կարապետյանը չի ցանկացել կատարել նահանջի հրամանը, հրաժարականի դիմումը գրել է երեկ. Հրապարակ

Արշակ Կարապետյանը չի ցանկացել կատարել նահանջի հրամանը, հրաժարականի դիմումը գրել է երեկ. Հրապարակ

«Հրապարակ»-ը, վկայակոչելով իր աղբյուրները, գրում է. 

«Մեր տեղեկություններով՝ Արշակ Կարապետյանը երեկ ինքն է հրաժարականի դիմում գրել, երբ քաղաքական ղեկավարությունից Ջերմուկ-Սիսիան սահմանային հատվածում նահանջի հրահանգ է ստացել։ Կարապետյանը չի ցանկացել կատարել հրամանը և ներկայացրել է հրաժարականի դիմում»։

Հիշեցնենք, որ երեկ վաղ առավոտից տելեգրամյան ալիքները հաղորդում էին Սյունիքի և Վայոց Ձորի սահմանային հատվածում ադրբեջանցիների առաջխաղացման և հայկական դիրքեր կորցնելու մասին։

Պաշտպանության նախարարությունն ավելի ուշ հաղորդագրություն էր տարածել՝ նշելով, որ հայ դիրքապահները կանխել են թշնամու փորձերը՝ դիրքավորվել այդ տարածքում։ Իրադրությունը դեռևս շարունակում է լարված մնալ», ավելի ուշ ադրբեջանական ԶԼՄ-ներում տարածված տեսանյութից պարզ էր դարձել, թե ինչպես է թշնամին մեր զինվորներին դուրս հանում մեր դիրքերից։

Հիշեցնենք նաև, որ Պաշտպանության նախարարի պաշտոնում նշանակվելուն պես Արշակ Կարապետյանը հրապարակային հրահանգել էր կասեցնել ՀՀ պետական սահմանը հատելու ցանկացած փորձ։