694 դիտում, 2 շաբաթ առաջ - 2021-11-14 18:15

Զիդանը, հնարավոր է, դառնա «կարմիր սատանաների» գլխավոր մարզիչը

Զիդանը, հնարավոր է, դառնա «կարմիր սատանաների» գլխավոր մարզիչը

Անգլիական «Մանչեսթեր Յունայթեդը» ցանկանում է գլխավոր մարզիչի պաշտոնում տեսնել Մադրիդի «Ռեալի» նախկին գլխավոր մարզիչ Զինեդին Զիդանին, հաղորդում է The Times-ը։ Ակումբի ղեկավարությունը փորձում է համոզել ֆրանսիացի մասնագետին, որը Արքայական ակումբից հեռանալուց հետո չունի աշխատանք։ 

«Մանչեսթեր Յունայթեդի» հարձակվող Կրիշտիանու Ռոնալդուն աջակցում է Զինեդին Զիդանի՝ «կարմիր սատանաների» գլխավոր մարզչի պաշտոնում հնարավոր նշանակմանը: Պորտուգալացին այս տարբերակն արդեն քննարկել է ակումբի ղեկավարության հետ և հավանության է արժանացրել այս գաղափարը:

Մինչ սա, նշվում էր, որ Զիդանը ցանկանում է գլխավորել Ֆրանսիայի հավաքականը։ Սպասվում է, որ 2022թ․ աշխարհի առաջնությունից հետո Դիդյե Դեշամը կլքի ազգային թիմի գլխավոր մարզիչի պաշտոնը։ Զիդանի ծառայություններով հետաքրքրված է նաեւ փարիզյան ՊՍԺ-ն։

«Մանչեսթեր Յունայթեդը» նորվեգացի Ուլե-Գունար Սուլշերի փոխարինողների թվում դիտարկում է նաեւ «Լեսթեր Սիթիի» հյուսիսիռլանդացի գլխավոր մարզիչ Բրենդան Ռոջերսի թեկնածությունը։