կարևոր
484 դիտում, 3 շաբաթ առաջ - 2021-11-12 19:54

Զինված ուժերի գլխավոր շտաբի պետը շնորհավորել է ՀՀ-ում Հնդկաստանի նորանշանակ ռազմական կցորդին

Զինված ուժերի գլխավոր շտաբի պետը շնորհավորել է ՀՀ-ում Հնդկաստանի նորանշանակ ռազմական կցորդին

Նոյեմբերի 12-ին ՀՀ զինված ուժերի գլխավոր շտաբի պետ, գեներալ-լեյտենանտ Արտակ Դավթյանն ընդունել է ՀՀ-ում Հնդկաստանի արտակարգ և լիազոր դեսպան պարոն Կիշան Դան Դևալին և ՀՀ-ում Հնդկաստանի նորանշանակ ռազմական կցորդ, բրիգադի գեներալ Ռաջեշ Պուշկարին (նստավայրը` ք.Մոսկվա): Այս մասին հայտնում է ՀՀ ՊՆ-ն:

Գեներալ-լեյտենանտ Արտակ Դավթյանը շնորհավորել է բրիգադի գեներալ Պուշկարին Հայաստանում հավատարմագրվելու կապակցությամբ և մաղթել հաջողություններ Հայաստանում առաքելության ընթացքում:

Հանդիպման ընթացքում քննարկվել են ռազմական և ռազմատեխնիկական համագործակցությանն առնչվող հարցեր: Կարևորվել է փորձի փոխանակման նպատակով զինվորական պատվիրակությունների փոխայցելությունները, ռազմակրթական, մասնագիտական և համատեղ զորավարժությունների անցկացումը: