ուղիղ եթեր փակել
Այս պահին Երևանում
+27°
ощущаетվя как +24°C
բաց երկինք
6 մ/վ քամու ուժգնություն
արևածագ: 06:10
11.08.2022
USD 406.09 +0.31
GBP 495.67 +4.92
EUR 419.78 +4.30
GEL 150.47 +0.32
RUB 6.7 -0.01

Վերջին ավելացված հաղորդումներ

Ամենադիտվածներ

կարևոր
2533 դիտում, 9 ամիս առաջ - 2021-11-10 19:06

Տղե՛ս, խոստումս ուժի մեջ է՝ քո հարսանիքը Շուշիում ենք անելու. Իշխան Սաղաթելյան

Տղե՛ս, խոստումս ուժի մեջ է՝ քո հարսանիքը Շուշիում ենք անելու. Իշխան Սաղաթելյան

ՀՅԴ Հայաստանի Գերագույն մարմնի ներկայացուցիչ, ՀՀ Ազգային ժողովի փոխնախագահ Իշխան Սաղաթելյանը որդու հետ գտնվում է Արցախում: Նա հրապարակել է լուսանկարներ՝ հետևյալ գրառմամբ.

«Վաչեն առաջին անգամն է Արցախում. Բազմաթիվ հարցերին պատասխան չկա...Բայց մի հարցում վստահ ենք, անկախ ամեն ինչից Արցախը մնալու է հայկական և ի հեճուկս որոշների Արցախը ապրելու է»:

Հիշեցնենք.որ ուղիղ 1 տարի առաջ այս օրերին՝ նոյեմբերի 11-ին Ազգային անվտանգության ծառայության աշխատակիցները ՀՅԴ Հայաստանի Գերագույն մարմնի գրասենյակից բերման ենթարկեցին Իշխան Սաղաթելյանին։ ԱԱԾ-ի՝ ՀԳՄ գրասենյակ այցելած խմբի ղեկավար, փոխգնդապետ Սարգսյանը հայտնել էր, որ ինքը չգիտի, թե ինչ կարգավիճակով է հրավիրում. ինքը կատարում է հրաման։

Հաջորդ օրը՝ նոյեմբերի 12-ին, փաստաբանը լրատվամիջոցներին ներկայացրեց Իշխան Սաղաթելյանի՝ ԱԱԾ մեկուսարանից որդուն ուղղված նամակը. վերջինս հայտնել էր, որ իր խոստումն ուժի մեջ է, և որդու հարսանիքը լինելու է Շուշիում.

«Այսօր իմացա, որ տղաս՝ 9 տարեկան Վաչես նեղվել է հոր բացակայությունից: Դիմում եմ քեզ՝ տղես՝ Վաչե ջան, վերջին օրերին տուն չէի գալիս, քանի որ ամաչում էի նայել աչքերիդ ու ասել, որ Շուշին ու Արցախի մեծ մասը էլ չկա: Ես անցնող 40 օրերին քեզ չեմ խաբել, տղե՛ս, ես վստահ էի, որ լավ է լինելու…

Հիմա էլ քեզ և քո սերնդակիցներին խոստանում եմ, որ Արցախի հարցը մեր սերունդը վերջնականապես լուծելու է և դուք ապրելու եք ազատ, անկախ, միացյալ Հայաստանում:

Տղե՛ս, իմ ժամանակավոր բացակայությունից մի տխրի, բա ի՞նչ անեն այն հարյուրավոր երեխաները, ովքեր շարունակ սպասելու են իրենց հերոս հայրերին: Այս պահին ես պատասխանատու եմ նաև իրենց համար, իրենց հերոս հայրերի շիրիմների առաջ, իմ դաշանակցական ընկերների առաջ, ովքեր այս պահին կանգնած են սահմանին: ՊԻՆԴ մնա, տղե՛ս, մորդ ու քույրերիդ կողքին:

Տղե՛ս, խոստումս ուժի մեջ է՝ քո հարսանիքը Շուշիում ենք անելու:

11.11.2020 թ., ԱԱԾ մեկուսարան», - գրել էր նա նամակում: 

Ֆոտոշարք
բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS