կարևոր
484 դիտում, 3 շաբաթ առաջ - 2021-11-08 16:52

Շուշիի մոտ ադրբեջանական կրակոցից մեկ մարդ մահացել է, երեքը՝ տեղափոխվել հիվանդանոց

Շուշիի մոտ ադրբեջանական կրակոցից մեկ մարդ մահացել է, երեքը՝ տեղափոխվել հիվանդանոց

Այսօր ԱՀ Ազգային անվտանգության ծառայության կողմից տեղեկություններ են ստացվել այն մասին, որ ժամը 15։00-ի սահմաններում Շուշի քաղաքի մոտակա խաչմերուկում ադրբեջանական կողմից կրակոցներ են արձակվել տվյալ վայրում ջրատար խողովակների վրա աշխատանքներ կատարող քաղաքացիական անձանց վրա:

Ստեփանակերտի հիվանդանոց է տեղափոխվել չորս քաղաքացիական անձ, որոնցից մեկը մահացել է, երեքին ցուցաբերվում է բժշկական օգնություն:

Դեպքի հանգամանքները պարզելու ուղղությամբ այս պահին ազգային անվտանգության ծառայության, ոստիկանության օպերատիվ խմբերի և քննչական կոմիտեի քննիչների կողմից կատարվում են օպերատիվ-հետախուզական և քրեադատավարական միջոցառումներ: