կարևոր
376 դիտում, 4 շաբաթ առաջ - 2021-11-07 20:53

ԵՊՀ-ն կուսակցականացվում է. Հոգաբարձուների խորհրդի նախագահ է ընտրվել փոխվարչապետը․ ՏԵՍԱՆՅՈՒԹ

Փակ դռների ետեւում հոգաբարձուների խորհրդի նախագահ է ընտրվել փոխվարչապետ Սուրեն Պապիկյանը, իսկ քարտուղար՝ Մարդու իրավունքների եվրոպական դատարանում Հայաստանի ներկայացուցիչ Եղիշե Կիրակոսյանը: Հայտարարվել է  նաեւ ռեկտորի մրցույթ:

Մայր բուհի դասախոս, քաղաքագետ Մենուա Սողոմոնյանն ահազանգում է, որ ԵՊՀ-ում ընթացող հոգաբարձուների խորհրդի նիստն ապօրինի է: Նա տեղեկացնում է, որ վերաքննիչ վարչական դատարանը բավարարել է իր դիմումը:

Սողոմոնյանի պնդմամբ՝ սա նշանակում է, որ իր կողմից ներկայացված դիմումը համարվում է ընդունված, իսկ ԵՊՀ կանոնադրության փոփոխություններ նախատեսող կառավարության որոշման գործողությունը՝ կասեցված:

Աստվածաբան, նախկին իշխանական Հովհաննես Հովհաննիսյանը օգոստոսի 5-ին է նշանակվել Երեւանի պետական համալսարանի ռեկտորի  ժամանակավոր պաշտոնակատար: Այն բանից հետո երբ համալսարանը երկու տարի մնացել էր առանց ռեկտորի: Սակայն այս նշանակումը ակադեմիական շրջանակներն անընդունելի են համարում, քանի որ Հովհաննիսյանը «Քաղաքացիական պայմանագիր» կուսակցության ներկայացուցիչ է, եւ այդ հանգամանքը կնպաստի բուհի առավել քաղաքականացմանը: Բացի այդ, նախկին պատգամավորը չունի ո՛չ դոկտորի գիտական աստիճան, ո՛չ պրոֆեսորի կոչում:

Մանրամասները՝ Ալինա Սիմոնյանի տեսանյութում։