334 դիտում, 1 ամիս առաջ - 2021-11-05 11:51

Grand Swiss. Գաբրիել Սարգսյանն ու Մանուել Պետրոսյանը դեռ պահպանում են մրցանակային տեղեր զբաղեցնելու շանսերը

Grand Swiss. Գաբրիել Սարգսյանն ու Մանուել Պետրոսյանը դեռ պահպանում են մրցանակային տեղեր զբաղեցնելու շանսերը

Ռիգայում շարունակվում են շախմատի Grand Swiss տղամարդկանց և կանանց մրցաշարերը: Կայացել են 8-րդ տուրի պարտիաները: Ռոբերտ Հովհաննիսյանն ու Սերգեյ Մովսիսյանը պարտություն կրեցին, իսկ Լևոն Արոնյանը, Գաբրիել Սարգսյանը, Մանուել Պետրոսյանը, Հայկ Մարտիրոսյանը և Սամվել Տեր-Սահակյանը ոչ ոքի ավարտեցին իրենց պարտիաները:

Տղամարդկանց մրցաշարում մեր շախմատիստներից լավագույն արդյունքն ունեն Մանուել Պետրոսյանը և Գաբրիել Սարգսյանը: Նրանք 5-ական միավորով կիսում են են 12-26-րդ տեղերը: Լրացուցիչ գործակիցներով Մանուելը 12-րդն է, Գաբրիելը՝ 17-րդը: Մրցաշարային աղյուսակը միանձնյա գլխավորում է Ֆրանսիան ներկայացնող իրանցի գրոսմայստեր Ալիրեզա Ֆիրուջան, ով իր ակտիվում ունի 6,5 միավոր։

10 շախմատիստ 5,5 միավորով կիսում են 2-11 տեղերը:

Մեր մյուս շախմատիստներից Սամվել Տեր-Սահակյանն ունի 4,5 միավոր, Ռոբերտ Հովհսննիսյանն ու Լևոն Արոնյանն ունեն 4-ական միավոր, Սերգեյ Մովսիսյանն ու Հայկ Մարտիրոսյանը՝ 3-ական: