Հայ-թուրքական սահմանը բացելու, թե՞ Ամուլսարը շահագործելու պայմաններում եք կանխատեսել 7 տոկոս տնտեսական աճ. Արթուր Խաչատրյանը` Վահան Քերոբյանին. ՏԵՍԱՆՅՈՒԹ

2022 թվականի բյուջեի նախագծով Կառավարությունը 7 տոկոս տնտեսական աճ է կանխատեսում։ ԱԺ հիմնական հանձնաժողովների միասնական նիստում, 2022 թվականի պետակաբն բյուջեի քննարկման ժամանակ, «Հայաստան» խմբակցության պատգամավոր Արթուր Խաչատրյանը Էկոնոմիկայի նախարար Վահան Քերոբյանից հետաքրքրվեց, թե որտեղի՞ց է գալիս այդ 7 տոկոսը։

«7 տոկոս տնտեսական աճը նույնիսկ պարզ վիճակագրությամբ չի երևում, այսինքն հավանականությունների բաշխումը որ նայենք 7 տոկոսի չի գալիս, դեպի ներքև հավանականությունն ավելի մեծ է, քանի դեպի վերև: Ամենամեծ հավանականությունը չորրորդ եռամսյակի համար 5-7 տոկոսն է, և հասկանալի չէ, թե ինչու եք 7 տոկոս որոշել, բայց որ այդպես եք որոշել, կցանկանամ հասկանալ այդ 7 տոկոսը որտեղի՞ց է գալիս. ակնկալում եք, որ Ամուլսարը կշահագործվի գումար կգա՞, թե՞ հայ-թուրքական սահմանի բացման արդյուքնում տնտեսական աճ կլինի: եթե երկրորդն է, խնդրում եմ  նշեք՝  Դուք հայ-թուրքական սահմանի բացման՝  ինչ-ինչ պարագայով  տնտեսական ազդեցության գնահատական արե՞լ եք, թե՝  ոչ».-հետաքրքրվեց Արթուր Խաչատրյանը:

Ըստ Քերոբյանի ամենակարևոր բաներից մեկը, որ պետք է բերի տնտեսական աճի, աննախադեպ ծավալի կապիտալ ծախսերն են։

«Կապիտալ ծախսերի թիվ Հայաստանի պատմության մեջ չի եղել։ Եթե բարեհաջող կերպով անենք, մեր տնտեսական աճը ավելի քան իրատեսական կլինի»,-նշել է նախարարը։

Շարունակելով հարցադրումը՝ Արթուր Խաչատրյանը նախարարից հետաքրքրվեց․ «Ներդրումների մասին, ի՞նչ եք պատրաստվում անել, որ 17 անգամ  մասնավոր ձեռնարկությունները ներդրումներն ավելացնեն հիմնական միջոցների մեջ»։

Ի պատասխան՝ Քերոբյանը նշեց. «Ասել, որ մեր երկիրը կարողանում է սահուն կերպով կլանել բոլոր ներդրումային ծրագրերը սխալ կլինի, ունենք բազմաթիվ ծրարգրեր, որոնք բախվում են բազմաթիվ խոչընդոտների»։