կարևոր
658 դիտում, 1 ամիս առաջ - 2021-10-27 22:54

Արմեն Չարչյանի գործով ստեղծվել է բժշկական հանձնաժողով․ պաշտպան

Արմեն Չարչյանի գործով ստեղծվել է բժշկական հանձնաժողով․ պաշտպան

Այսօր ՀՀ ԱԺ նիստի ժամանակ «Հայաստան» խմբակցության պատգամավոր Էլինար Վարդանյանի կողմից ՀՀ առողջապահության նախարարին ողիղ տրված հարցի շնորհիվ, վերջապես տեղեկացանք, որ Արմեն Չարչյանի գործով արդեն իսկ ստեղծվել է բժշկական հանձնաժողով։ Այս մասին գրել է Արմեն Չարչյանի պաշտպան Էրիկ Ալեքսանյանը։

«Իսկ թե ինչի՞ է դրա մասին այսքան ժամանակ նախարարը լռել, այ դա արդեն այլ հարց է»։

Հիշեցնենք, որ այսօր ԱԺ-ում հարցուպատասխանի ժամանակ Էլինար Վարդանյանը հարց ուղղեց, թե ինչո՞ւ առողջապահության նախարարությունը չի պատասխանել Արմեն Չարչյանի գործով դատարանի գրությանը, և ինչո՞ւ մինչ այժմ չի կազմակերպել դատաբժշկական հանձնաժողովի ստեղծումը։

Հարցին պատասխանեց Առողջապահության նախարարը ասելով, որ նախարարությունն ըստ ընթացակարգի ներկայացրել է հանձնաժողովի անդամների ամբողջական կազմը և կարգին համապատասխան է շարժվել։ Հանձնաժողովը ստեղծված է, համալրված է և ըստ ընթացակարգի կիրականացնի ամբողջական փորձաքննությունը։