կարևոր
2437 դիտում, 4 շաբաթ առաջ - 2021-10-27 22:13

Ի՞նչ արվեց այդ տեղեկության հետ, քանի որ մի քանի ժամը կարող էր վճռորոշ լինել ամբողջ պատերազմի համար․ Արամ Վարդևանյան՝ Փաշինյանին

Ես, իհարկե, համոզված եմ, որ պաշտոնատար անձինք տեղյակ են այն մասին, որ վերջին անգամ Արցախը ԵԱՀԿ մինսկի ձևաչափով բանակցություններին մասնակցել է 1996 նոյեմբերի 22-ին Հելսինկիում։ Վստահ եմ, որ իսկապես 1997 թվականի հունվարի 25 և 28-ին Ժիրար Լիպարիտյանն ու այն ժամանակվա վարչապետ Արմեն Սարգսյանն էլ էր խոսում նրա մասին, որ Արցախը պետք է վերադարձնել բանակցային պրոցեսին, թե ինչպես է ստացվում այս պայմաններում 1998 թիվը, ես լավ չեմ պատկերացնում։ Դա ուղղակի քաղաքականություն է, ոչ թե իրականության ներկայացում։ Այս մասին ԱԺ-ում հարցուպատասխանի ժամանակ ասաց «Հայաստան» խմբակցության պատգամավոր Արամ Վարդևանյանը։

«Քանի որ ընդունվեց փաստը, որ սեպտեմբերի 25-ին կար տեղեկություն լայնածավալ պատերազմի սկսման մասին, ի՞նչ արվեց այդ տեղեկության հետ, քանի որ մի քանի ժամը կարող էր վճռորոշ լինել ամբողջ պատերազմի տեսանկունից»,- նա հարց ուղղեց Նիկոլ Փաշինայնին։

Փաշինյանն էլ արձագանքեց․

«Տեղեկությունները եղել են միշտ, դրանք ֆիլտրվել են։ Ես լսել եմ Պաշտպանության նախարարությանն ու Գլխավոր շտաբին»։

Մանրամասները՝ տեսանյութում։