կարևոր
2566 դիտում, 1 ամիս առաջ - 2021-10-27 19:18

Ագնեսա Խամոյանի հարցին, թե երբ է պատրաստվում այցելել Արցախ, Փաշինյանը խուսափեց պատասխանել

Ագնեսա Խամոյանի հարցին, թե երբ է պատրաստվում այցելել Արցախ, Փաշինյանը խուսափեց պատասխանել

Ե՞րբ եք, ի վերջո, պատրաստվում Արցախ այցելել։ ԱԺ-ում հարցուպատասխանի ժամանակ Նիկոլ Փաշինյանին այս հարցն ուղղեց «Հայաստան» խմբակցության պատգամավոր Ագնեսա Խամոյանը։

Նիկոլ Փաշինյանն ասաց, որ այս ընթացքում ՀՀ բազմաթիվ պաշտոնյաներ այցելել են Արցախ, շարունակում են այցելել և այլ պաշտոնյաների այցը կկազմակերպվի ըստ նպատակահարմարության։

Ագնեսա Խամոյանը հիշեցրեց, երբ ԱԳ նախկին նախարար Արա Այվազյանը հունվարի 6-ին այցելեց Արցախ, Իլհամ Ալիևը դրանից հետո զգուշացրեց, սպառնաց, որ Հայաստանի իշխանություններն այլևս չայցելեն Արցախ։

«Դրանից հետո մենք չենք ունեցել ո՛չ ձեր մակարդակով այց, ո՛չ նախագահի մակարդակով այց, ո՛չ էլ ԱԳ նախարարի կամ ԱԽ քարտուղարի մակարդակով այց։ Դուք ե՞րբ նպատակահարմարություն կգտնեք այցելել Արցախ»,-ասաց պատգամավորը։

Նիկոլ Փաշինյանն էլի նշեց, որ այդ հայտարարությունից հետո Հայաստանի տասնյակ պաշտոնյաներ այցելել են Արցախ։

Ի վերջո, Նիկոլ Փաշինյանը խուսափեց ասել՝ երբ է պատրաստվում Արցախ այցելել։